Mae Gwyn wedi bod yn berfformiwr, coreograffydd, athro a dramtwrg ers ugain mlynedd. Yn 2013, ffurfiodd ei gwmni ei hun, Jones y Ddawns (Gwyn Emberton Dance gynt) sydd ers hynny wedi teithio’r DG, cydweithio ar brosiectau rhyngwladol mawr a darparu rhaglenni dawns i’r ieuanc. Ymhlith rhain mae Quiet Beats, sydd yn weithdai ar gyfer pobl ifanc Fyddar. Fel unawdydd mae wedi ymddangos ar raglen deithiol Dance Roads, sydd yn rwydwaith dawns Ewropeaidd ac wedi coregraffu sawl prosiect rhyng-ddisgyblaethol. Ers 2014, mae Gwyn wedi bod yn artist, dramatwrg a chynhytrchydd ar gyfer iCoDaCo (International Contemporary Dance Collective).
Mae Gwyn wedi dawnsio ar gyfer nifer o goreograffwyr a chwmnioedd blaengar yn y DG, Russell Maliphant yn eu plith, a bu’n perfformio gydag Inbal Pinto yn tel Aviv, Israel, am sawl blwyddyn. Bu’n gyfarwyddwr ymarfer a dramtwrg gyda nifer o gyw-goreograffwyr. Dysgodd gyda chwmnioedd megis Skånes Dansteater, Russell Mapliphant, Ballet Cymru ac mewn nifer o ysgolion a chanolfeydd dawns rhyngwladol: The Place (London Contemporary Dance School), Danscentrum Syd (Sweden), Suzanne Dellal Centre (Tel Aviv), Hong Kong Contemporary Dance Centre, a’r Balettakademier yn Gothenburg a Stockholm. Bu’n gyfarwyddwr y radd BA mewn Dawns yn PCDDS yng Nhaerfyrddin am dair mlynedd.